කෙම් ක්‍රම
අතීත කෙම් ක්‍රම පිළිබඳව සොයා බැලීමේදි අපට පෙනී යන්නේ හෙළ වෙදකමේ තවමත් ඉතිරිව පවතින අංගයන් දෙකක් ලෙස අත් බෙහෙත් හා කෙම් ක්‍රම හඳුන්වා හැකි බවයි.
කෙම් ක්‍රමවල දක්නට ඇති විශේෂත්වය වන්නේ මානුෂීය ගුණයට අමතරව ජෝතිෂය, ඇදහිලි, ගුප්ත විශ්වාස, වත්පිලිවෙත්, මෙන්ම ඇස්වහ, කටවහ, ආදීයේ බැදීමක් තිබීමයි. එමෙන්ම කෙම් ක්‍රම රහසි ගත වේ.
විවිධාකාරයේ කෙම් ක්‍රම පවතින අතර ඉන් කිහිපයක් පහත දැක්වේ.
- දත් රෝගය
දත් පණුවන් කන විටදී වම් පැත්තේ නම් වම් පැත්තේ පාදයේ මහපට ඇඟිල්ලේ නියපොත්ත උඩ නියඟලා අල කැබැල්ලක් කතා නොකර බඳියි.
- ඇස්වහ කටවහ දුරු වීමට
සෙනසුරාදා දින වල සවස කතා නොකර වතුර බඳුනක් ගෙන අඟුරු, වී ඇට, කජු පුහුලන්,කහ,ලුණු කැට,ගම්මිරිස් දමා කොළ හතක් ඇති දෙහි අත්තක්ද දමා අලුයම කපුටන් කෑගසීමට පෙර ඇස්වහ කටවහ දුරුවෙන ලෙස පවසා දෙහි අත්තෙන් ගසනු ලබයි.
- ඇසේ නගනයක් එන විට
තුත්තිරි ගසේ බඩේ ඇති යුෂ ගෙන කතා නොකර නගනයේ ගාන්න. මැටි නෑඹිලියක ලුණු කැටයක් උරච්චි කර නැගනහිර බලා කතා නොකර ගානූ ලබයි.
- කුඩා ළමුන්ට කක්කල් කැස්ස සෑදුන විට
උදේ කපුටන් හැඩීමට පෙර කැහි පෙත්තා වැලක් ළග පොල්තෙල් පහනක් දල්වා එම වැල ගලවා රෝගී ළමයාගේ කරේ බඳියි.
- බඩේ අමාරුව හැදුන විට
බෙහෙත් එඩෙරු ගසේ පොත්තක් ගෙන පහත සිට උඩට ගලවා ඉනේ බැදීමෙන් බඩේ අමාරුව නැවතේ.
- දවස් දෙක තුනකට වරක් සෑදෙන උණ
මුරුංගා පොතු, දිවුල් පොතු, වරකා පොතු, අමු කහ, එකට අඹරා පිරිසිදු රෙදි කැබැල්ලක් දවටා මල් බුලත් තට්ටුවක පේකර උණ ගැනීමට පෙර හා කපුටන් හැඩීමට පෙර රෝගියාගේ අතේ බඳියි.
- ඇඟිල්ලක් උලුක්කු වූ විට
අනෙක් අතේ සමාන ඇඟිල්ලෙන් පිරිමැද්ද විට හොඳවන බව විශ්වාසයවේ.
- ඇගේ ඉන්නන් ඇතිවු විට
කතා නොකර ඉන්නන් ගණන් කර එයට සමාන පරිදි ගල් කැට අහුලා එක ඉන්නෙකු තුවාල කර කහ දියරයෙන් සේදූ තඹ කාසියක් තුවාල කල ඉන්නන් මත අතුල්ලා එම කාසිය තුන්මංසලක හෝ සිවිමංසලක දැමීම ඉන්නන් නැති කර ගත හැකිය.
No comments:
Post a Comment